دنيا دوغرو دى

دنيا دوغرو دى

دنيا دوغرو دى

( داريوش عبدالهى فرد)
٩٨/١٢/١٣

سنه،
دوغرو دئديم دنيا
يالان ،
سن اولمادين گُؤردوم

يالان ،
من اولموشام دنيا
آلان ، سن سن
ساتان، سن سن

گئدن ،
گوردوم كى ،
من اولدوم
اولان سن سن
قالان سن سن

دئدى
دنيايه شاعر لر
كى فانى دى
يالان دنيا

دئديم كى
فانييوخ بيز لر
وليكن دوغرى
دنيامئز
يالان دئر ،
بيزده رويامئز

يالان بيزلر ،
يالان سن ، من
وليكن
دؤز دى دنيا مئز

دئدى
دنيا يالان اولموش
سليمان دان
قالان اولموش

و آمما
بيلمديك بيزكى
يالان دئر
تكجه انسانلار
يالان دئر
نوح ،سليمان لار

يالان
بيز اولموشوخ ،
من من
يالان
سن سن
يالان من من

دئديم دنيا يه
سن قالدين
گلن گلدى ،
گئدن گئتدى

هَئره اوز نغمه سين
چالدى
سورا
توتدى
يولون گئتدى

يالان
بيز اولموشوخ
دنيا
قالان
سن سن
يالان من من

دئيب لر
چوخلى شاعر لر
سنه بهتان
يالان دنيا
يالان دنيا

سنه دوغرو
دئديم من من
يالان من من
قالان سان ، سن
اياخ توتدون
اوجالدين سن
گئنه قالدين
قوجالدين سن

ئولن
من اولمئشام آمما
اولان سن سن ،
تالان من من

چوخاتدئم
ملكى اموالى
يئغئشتئرديم سنى
هانى؟! قويوپ گئتديم
هر عنوانى
قاليب سنده ،
مالئم خوانئم

دؤز اولدون سن ،
يالان من من

گئدنده
آلمئسان جانئم
ياتيت دئن توپراقيندا سن

مالئم هانى ،
جانئم هانى
آليب سان
مندن عنوانى
بيزيك كى
اولموشوخ
فانى

دوز اولدون سن ،
يالان من من
بئتر درده ،
قالان من من

بير آدلئم شهريار سنله
دانئشئب
شعر قوشوب
گئتدى
يالان
بير آد قويوب سنده
سنى
گلدى ، گئدر ائتدى
سورا
گوردوخ ، اوزى گئتدى

او ئوز دن اعتراف ائتديم
قالان سن سن
تالان من من
دؤز اولدون سن
يالان من من