شيمشك

شيمشك

شيمشك

💥طرح از آقای صابر بقال اصغری
“شيمشك”(رعد و برق)
بمناسبت سالگرد وفات دکتر محمد حسین مبین
(در وصف شاعر پر احساس و پدر جذاميان ايران
که تخلص شیمشک داشت)
💥 “شيمشك”
(ازداريوش عبدالهى فرد)
💥
شيمشك …باغيريب ،
شاخ دئن ، سسين له
داغ دا، هاى ساليب ،
چال دئن ، سسين له

سسيلن ، نور لا
دنيا نى آلدين
عشق پايلاشيب
دنيا ياراتدين

داغ دان اوجادا
بولوت لا سيرداش
ياغيشلا يولداش ،
قاريله قارداش

زيروه باشيندا
ايشيلدا دئن سن
بوران ليق لار دا
پاريلدا دئن سن

قارا قيشلاردا ،
قاراقيشقير يب
اودلى شعرينله
داغا فيشقيريب

قارلار اريديب،
بولاقا سال دئن
داغدان جوشدوروب ،
اياقا سال دئن

داغلاردوشوندن
قارلار انديردين
بولاق جوشدوردئن
داغ دان انديردين

دالغا ياراديب ،
اميد لر سپ دين
ياندريب يان دئن
ايشيق ليق سپ دين

اود اولوپ شاخ دئن ،
قارانليق لاردا
ظلمته چاپ دئن ،
بوران ليق لار دا

شيمشك تخلّص
سچميشدين اوزون
شعر لر ياز دئن
سووز لو دور سُوزون

حق سيز يالانين
چيخاتدين گوزون
نه دن دانيشدين
سويله دين دووزون

سنين ايشيغين
دنيا نى آلدى
دنيا بويو جان
اثرين قالدى

بابا باغى نين
قورقو سون قور دون
درمانده لرين
داليندا دوردون

جذامى لرين
باباسى اولدون
او درد لى لرين
داواسى اولدون

انسان زيروه سين
فتح اِله دين سن
حكيم حرمتين
ثبت اِله دين سن

بويوك حكيم سن ،
اوجا بير پاشا
آي دردتوختادان
اورك ده ياشا… سنه شعر قوشدوم
اورك دن جوشا
محمّد ، حسين
مبيّن پاشا

سن استاديم سان
بيلن بير انسان
دوزدى گئديبسن
اورك ده وارسان

ده گوروم نئجه
اورك لر آلدين
نيله دين بوگون
ياد لار دا قالدين؟

بير اورك دردى
اُويور قلبيمى
دوشونن يوخدو
هيچ بو درديمى “درمان چوخاليب
ساغ ليق آزاليب”
حكيم حرمتى
چوخلى آزاليب

درد لرى قانان
انسان آز اولوپ
اعتماد بيزه
چوخ چوخ آز اولوپ

سو بولانديران
باليق آختارير
مريضى دكتر
جانينا سالير

آراليق لاردا
انسانليق ايتير
روحانى حس لر
آرادان بيتير
شيمشك عشقينى
قانانلار يوخدى
سو بولانديران
آداملار چوخ دى

قويون حكيم ليك
يرينده قالسين
گئنه انسانليق
يرينى آلسين