غم جالانئر قلبیمه

غم جالانئر قلبیمه

داریوش عبدالهی فرد
🌷
گلدی کورونا شهریمه، ایران چوخ عذاب دا
تاریخ اوخودوم یوخدی بو حال هئچ بی کتاب دا
🌷
هر یئرده اؤلور ، هم قوجالار هم کی جوانلار
اؤلمک سایی سی چیخدی اَلیمنن ده حساب دا
🌷
گلّه کیمی دی ایمنی میز واکسنی یوخدی
هاممی توتا جاخ ایمنی یوخ دی بو عذاب دا
🌷
بیر زلزله تک شهریمیزی سؤک دی داغیت دی
گئت دی توان الدن قوتارئب یوخدی دا تاب دا
🌷
بیر گون قویولوب تاقچیا شادلیق گونون عکسی
یوخدی داها هئچ گولمکیمیز ایندی بو قاب دا
🌷
تحریم ده بیزی آیری طرفدن جانا گتدی
انسانلار اولوپ مفلس هامی لار چاپا چاپ دا
🌷
روحیه ده قالمیر بی کسه ، ذهن دورال مئر
اعصاب داغیلیپ هامی بشر لر قاپا قاپ دا
🌷
هر نه سوروشورسان ، که آی الله ندن اُلدی
بو حاللارئمئز چوخ قاریشئخ ، یوخدی جواب دا
🌷
باشقا یاشاییش وار بو زمان لار دا یئخیلدیخ
بو زلزله دن ، اِؤلریمیز اُلدی خراب دا
🌷
بو مملکتین دردی فقط بش دانا توک دی
قانلار توکولر توک گوروشه فرق رباب دا
🌷
دولت لریمیزباشی قاتلمئش دی یمن ده
سوریه، عراق دردی مهم تر دی بو باب دا
🌷
دشمن داغیدیب اقتصادی خلق ده جان یوخ
هئچ ایش گوره بیلمیر کابینه ، هاممئسی خواب دا
🌷
دنيا دولى سى غم جالانئر قلبیمه هر گون
بو «داریوش» ایندی قوجالیب عهد شباب دا
🌷